ރައްޔިތުންގެ މަޖިލީހުގެ ގޮނޑިތައް ނެގުމަށްޓަކައި އިންޑިއާއިން މަސައްކަތްކުރަނީ ކީތްވެ؟

ރައްޔިތުންގެ މަޖިލީހުގެ ގޮނޑިތައް ސަރުކާރާ އިދިކޮޅު އެމްޑީޕީއަށް ހޯދައި ދިނުމަށްޓަކައި އިންޑިއާއިން ބޮޑެތި އަދަދުތަކުން ޚަރަދުކުރަން ނިންމާ އެފައިސާ ދަނީ ރާއްޖެއަށް ފޮނުވަމުންނެވެ. ރައްޔިތުންގެ މަޖިލީހުގެ ކުރީގެ ރައީސް ޢަބްދުﷲ ޝާހިދު ވެރިކަމަށް ގެނައުމަށްޓަކައި އެކަންކުރެވޭނެ އެންމެ އަވަސްގޮތަކީ މިހާރުގެ ރައީސް ޑޮކްޓަރ މުޢިއްޒު އިމްޕީޗްކޮށް ވެރިކަމުން ދުރުކުރުން ކަމަށް އިންޑިއާއިންވަނީ ޢަބްދުﷲ ޝާހިދަށް މަޝްވަރާ ދީފައެވެ. އަދި އެކަން ކުރުމަށްޓަކައި މަޖިލިސް އިންތިޚާބުން ގިނަ ގޮނޑިތަކެއް ނެގުމަކީ ކޮންމެހެންވެސް ކުރަންޖެހޭނޭ ކަމެއްކަމަށް އިންޑިއާއިންވަނީ އަންގާފައެވެ.  

އިންޑިއާއިން މިފައިސާ ދޫކުރަނީ ޢަބްދުﷲ ޝާހިދަށް އިތުބާރުކޮށް ޢަބްދުﷲ ޝާހިދަށެވެ. އަދި މިފައިސާ އެތެރެކުރަނީ އިންޑިއާއިން އަންނަ ޚާއްޞަ ޑިޕްލޮމޭޓުން މެދުވެރިކޮށެވެ. ހަފްތާއަކު 3 ބުރަށް ނުވަތަ 4 ބުރަށް އިންޑިއާއިން ފައިސާ ރާއްޖެއަށް ފޮނުވައެވެ. ގެންނަ ކޮންމެ ފަހަރަކު ދެމިލިއަން ދިވެހި ފައިސާއަށްވުރެ ބޮޑެތި އަދަދުތައް ގެނެސްފައިވެއެވެ. މިފައިސާ ގެންގޮސް ވައްދަނީ ހެންވޭރު ކޮޅުގައި ހުންނަ ކުރީގެ ޗައިނާ ގާރޑްން ކުރިމަތީގައި ހުންނަ މަނީ ޗޭންޖަރއަކަށެވެ.

މިފައިސާ މި ދެންނެވި ތަނަށް ވެއްދުމަށްފަހު، ޢަބްދުﷲ ޝާހިދު (ހ. ރަބީޢީމަންޒިލް ) އާއި، ޝާހިދުގެ އަނބި ޒިފްލީނާ ޙަސަން ( ގދ.ތިނަދޫ/ނީލުގެ )އާއި، ޒިފްލީނާގެ ބޭބެއާއި، އަދި އައިޝަތު ސުއިޒާ ( ހ. އިރުވައި ) އާއި، ޢަބްދުﷲ ޝާހިދުގެ ބޭބެ މުޙައްމަދު ޝާހިދު ( ހ، ރަބީޢީމަންޒިލް ) އާއި، މުޙައްމަދު ނާޝިޒު ( ހ. މޮހޮރީވިލާ )  އަދި ފައްޔާޒް އިސްމާޢީލް ( މއ. ބޯގަންވިލާ ) އެޢިމާރާތަށް ގެންގޮސް މިމީސްމީހުންނާ މިދެންނެވި ފައިސާ ޙަވާލުކުރެއެވެ. މިފައިސާ ބެހުމަކީ މިދެންނެވި  މީހުންނާ ޙަވާލުރެވިފައިވާ އެންމެ ބޮޑު ޒިންމާއެވެ.

އަދި އިންޑިއާ ސަރުކާރުން ބޭނުންވާ ވަރަށް ގޮނޑި ނަގައިދިނުމަކީ މިމީހުން ކުރަންޖެހޭ އެންމެ ބޮޑު މަސައްކަތެވެ. އަދި ޢަބްދުﷲ ޝާހިދުގެ ޓީމާ ވަގަށް ފައްޔާޒް އިސްމާޢީލް، މިދެންނެވި ފައިސާއިން ބޮޑުބައެއް ނަގާ ޕާރސަނަލް ކޮމްޕިއުޓަރ މެދުވެރިކޮށް ފައިސާ ދޮވެ ސާފުކުރުމުގެ މަސައްކަތްކުރެއެވެ.