ސަރުކާރުގެ އަގު ވައްޓާލުމަށްޓަކައި ކުރެވެމުންދާ މަސައްކަތްތައް ހުއްޓާލާ

ރަގަޅު ހެޔޮވެރިކަމެއް ބަޔަކު ކުރާނަމަ އެކަމަކަށް ހުރަސް އެޅުމަކީ އެމް.ޑީ.ޕީއާއި، އެމްޑީޕީއަށް ތާއީދުކުރާ މީހުން އާންމުކޮށް ކޮށްއުޅޭ ކަމެކެވެ. އަދި އެ ހެޔޮ ވެރިކަމެއް ވައްޓާލުމަށްޓަކައި ކުރެވެންހުރި ކޮންމެ ކަމެއްކުރުމަކީވެސް މި ބައިގަނޑުގެ ކަށީގައި ހިފާފައި ހުންނަކަމެކެވެ.

ރައްޔިތުންނަށް ހެވާ، ލާބައާއި މަންފާ ލިބުމުގެ ބަދަލުގައި އެމް.ޑީ.ޕީގެ ވެރިންނާއި، އިސްސަފުގައި މަސައްކަތްކުރާ މެންބަރުން ބޭނުންވަނީ އެމީހުންގެ ޖީބުތައް ފުރާލާ އެމީހުންނަށް އުފަލުގައި އުޅެވޭނޭ މަގެއް ފަހިކުރުމެވެ.

މިކަން ކުރުމަށްޓަކައި ސަރުކާރާބެހޭ ގޮތުންނާއި، ޢިއްޒަތްތެރި ރައީސް ޑޮކްޓަރ މުޢިއްޒާ ބެހޭގޮތުންވެސް މުޅިން ދޮގު ވާހަކަތައް ފަތުރާ ސަރުކާރުގެ އަގު ވައްޓާލުމަށްޓަކައި ހުއްޓުމެއްނެތި ގިނަގުނަ މަސައްކަތްތަކެއް އެމް.ޑީ.ޕީގެ ލީޑަރޝިޕުން ކުރަމުންދާއިރު، މިކަމަށް އިންޑިއާއިން ބޮޑެތި ޚަރަދުތަކެއް ކުރަމުންދެއެވެ. އިންޑިއާއިން ވަނީ އެމް.ޑީ.ޕީގެ ލީޑަރޝިޕް ބޮޑެތި އަދަދުތަކުން ފައިސާދީގެން ގަނެލާފައެވެ. ހަމައެކަނި މިމީހުންނަށް އޮތް މަސައްކަތަކީ ރާއްޖޭގައި މިހާރު އޮތް ސަރުކާރާމެދު ރައްޔިތުންގެ ހިތްތަކުގައި ނަފްރަތާއި ރުޅިވެރިމާއި، ޙަސަދަވެރިކަން އުފެއްދުމެވެ.

މިކަން ކުރެވޭތޯ ހުއްޓުމެއް ނެތި ކުރަމުންދާ މަސައްކަތްތަކުގެ ސަބަބުން ރައްޔިތުންނަށް އޮޅުން ބޮޅުންވެ ދޮގުވެރިން ދައްކާ ވާހަކައިގައި ޖެހި މަގު އޮޅިގެން ނުދިއުމަށް ރައްޔިތުންނަށް ގޮވާލަމެވެ.

އަޅުގަނޑުމެންގެ ޒިންމާއަކީ ރައްޔިތުންނަށް އޮޅޭގޮތަށް އެކިއެކި ފަރާތްތަކުން ފަތުރާ ދޮގު ޚަބަރާއި، ސަރުކާރު ވައްޓާލުމަށްޓަކައި ކުރާ ނޭއްގާނީ ކަންކަން އަދި އެކަންކަން ރާވާ ހިންގާ ފަރާތްތަކުގެ މަޢުލޫމާތާއި ފޮޓޯއާއެކު ތާޒާކަމާއެކު ތެދު ސާފު މަޢުލޫމާތު ތިބޭފުޅުންނާ ހަމައަށް އެންމެ އަވަހަށް ފޯރުކޮށްދޭ ބަޔަކަށް އަޅުގަނޑުމެންވުމެވެ.